മിസ്സിസ് കെ.എം. മാത്യുവിന്റെ യാത്രകള്
സപ്തംബര് 25, 2003
കോട്ടയം: വനിത മാസികയുടെ പത്രാധിപരായിരുന്ന ഈയിടെ അന്തരിച്ച മിസ്സിസ് കെ.എം. മാത്യുവിന്റെ യാത്രാവിവരണം പുറത്തിറക്കി. പല നാളുകളിലായി എഴുതിയ യാത്രാവിവരണലേഖനങ്ങള് സമാഹരിച്ചിട്ടുള്ളതാണ് ഈ പുസ്തകം.
യാത്രകള് നാട്ടിലും മറുനാട്ടിലും എന്ന് പേരിട്ടിട്ടുള്ള ഈ പുസ്തകം അശ്വതി തിരുനാള് ഗൗരീലക്ഷ്മിബായി ആണ് പ്രകാശനം ചെയ്തത്. മനോരമ അങ്കണത്തിലാണ് പ്രകാശനച്ചടങ്ങ് നടന്നത്.
എല്ലാ നന്മകളും നിറഞ്ഞ മഹതിയായിരുന്നു മിസ്സിസ് കെ.എം. മാത്യുവെന്ന് എം.ജി. സര്വÿകലാശാല വൈസ് ചാന്സലര് ഡോ. സിറിയക് തോമസ് അധ്യക്ഷപ്രസംഗത്തില് പറഞ്ഞു. അവര് സ്വയം ശൂന്യയായിക്കൊണ്ട് എഴുതിയതും ജീവിച്ചതും മറ്റുള്ളവര്ക്ക് വേണ്ടിയായിരുന്നു. - അദ്ദേഹം പറഞ്ഞു.
മിസിസ്സ് കെ.എം. മാത്യു 1960 മുതല് 1994 വരെ എഴുതിയ യാത്രാവിവരണങ്ങള് സമാഹരിച്ചതാണ് ഈ പുസ്തകമെന്ന് പോള് മണലില് പറഞ്ഞു. ഭാഷാപോഷിണി എഡിറ്റര് കെ.സി. നാരായണന് പുസ്തകം പരിചയപ്പെടുത്തി.
ബിസിഎം കോളെജ് പ്രിന്സിപ്പല് സിസ്വര് ലിബിയ, എം. രാജഗോപാലന്നായര് എന്നിവര് പ്രസംഗിച്ചു. മനോരമ ചീഫ് എഡിറ്റര് കെ.എം. മാത്യു, എഡിറ്റര് മാമ്മന് മാത്യു എന്നിവരും ചടങ്ങില് സംബന്ധിച്ചു.
|
