ഹാരിപോട്ടര് മലയാളത്തിലേക്ക്
നവമ്പര് 07, 2003
ലോകപ്രശസ്തമായ ഹാരിപോട്ടര് കഥകള് മലയാളത്തിലേക്കെത്തുന്നു. ഹാരിപോട്ടര് കൃതികളുടെ ഇന്ത്യയിലെ പ്രസാധകരായ മഞ്ജുള് പബ്ലിഷേഴ്സ് മാനേജിംഗ് ഡയറക്ടര് വികാസ് രഖേജ അറിയിച്ചതാണ് ഇക്കാര്യം.
2004 ഫിബ്രവരിയോടെയാണ് മലയാളം ഹാരിപോട്ടര് പുറത്തിറങ്ങുക. മലയാളം കൂടാതെ ഗുജറാത്തി, മറാത്തി ഭാഷകളിലും ഹാരിപോട്ടര് കഥകള് ഇറങ്ങുന്നുണ്ട്.
ഹാരിപോട്ടര് കഥകളിലെ ഹാരിപോട്ടര് ആന്റ് ദ ഫിലോസഫേഴ്സ് സ്റോണ് എന്ന കഥ ഹിന്ദിയില് ഇറങ്ങുകയാണ്. നവമ്പര് 14ന് ശിശുദിനത്തോടനുബന്ധിച്ചാണ് ഈ പുസ്തകത്തിന്റെ പ്രകാശനം. ഏറെ തവണ പരിശോധിച്ചതിന് ശേഷമാണ് ഹിന്ദി പതിപ്പ് പുറത്തിറക്കുന്നതെന്നും വികാസ് രഖേജ പറഞ്ഞു.
ജെ.കെ. റൗളിംഗ് രചിച്ച ഹാരിപോട്ടര്ക്ക് ലോകമെങ്ങും ആരാധകരുണ്ട്. 11കാരനായ കുട്ടിയുടെ പ്രവചനശക്തിയും ദുഷ്ടകഥാപാത്രങ്ങള്ക്കെതിരായ പോരാട്ടവുമാണ് ഹാരിപോട്ടര് കൃതികളുടെ വിഷയം. ഇതുവരെ അഞ്ച് ഹാരിപോട്ടര് കൃതികളാണ് പുറത്തിറങ്ങിയിരിക്കുന്നത്. ഹാരിപോട്ടര് ആന്റ് സോര്സറേഴ്സ് സ്റോണ്, ഹാരിപോട്ടര് ആന്റ് ചേംബര് ഓഫ് സീക്രട്ട്സ്, ഹാരിപോട്ടര് ആന്റ് പ്രിസണര് ഓഫ് അസ്കബാന്, ഹാരിപോട്ടര് ആന്റ് ദി ഗോബ്ലറ്റ് ഓഫ് ഫയര്, ഹാരിപോട്ടര് ആന്റ് ദി ഓര്ഡര് ഓഫ് ദി ഫീനിക്സ് എന്നിവയാണിവ.
|
