മലയാളം
->
കല, സംസ്കാരം
->
വിവാദം
->
പൂര്ണവാര്ത്ത
|
തസ്ലിമയ്ക്കെതിരെ അപകീര്ത്തിക്കേസ്
നവമ്പര് 10, 2003
ധാക്ക: ബംഗ്ലാദേശി എഴുത്തുകാരി തസ്ലിമാ നസ്റീനെതിരെ 82.56 കോടി രൂപയുടെ അപകീര്ത്തിക്കേസ്. ബംഗ്ലാദേശിലെ തന്നെ ഒരു എഴുത്തുകാരനാണ് തസ്ലിമയ്ക്കെതിരെ കോടതിയെ സമീപിച്ചിരിക്കുന്നത്.
ധാക്ക കോടതിയിലാണ് തസ്ലിമയുടെ മുന് സുഹൃത്തുകൂടിയായ എഴുത്തുകാരന് സയ്യിദ് ഷംസുല് ഹഖ് അപകീര്ത്തിക്കേസ് നല്കിയിരിക്കുന്നത്. കാ എന്ന പേരില് തസ്ലിമ എഴുതിയിരിക്കുന്ന തന്റെ ആത്മകഥയുടെ മൂന്നാം ഭാഗത്തില് സയ്യിദ് ഷംസുല് ഹഖിനെ അപകീര്ത്തിപ്പെടുത്തുന്ന തരത്തില് പരാമര്ശമുണ്ടെന്ന് പരാതിയില് പറയുന്നു. തന്റെ പ്രതിച്ഛായയെ കളങ്കപ്പെടുത്തുന്ന രീതിയിലാണ് തസ്ലിമ നസ്റീന് കാര്യങ്ങള് എഴുതിയിരിക്കുന്നതെന്ന് സയ്യിന് ഷംസുല് ഹഖ് പറയുന്നു.
42 കാരിയായ തസ്ലിമ നസ്റീന് 1994ല് ഇസ്ലാമിക മതമൗലികവാദികളുടെ എതിര്പ്പിനെതുടര്ന്ന് യുഎസില് അഭയം തേടുകയായിരുന്നു. ഡോക്ടര്കൂടിയായ തസ്ലിമ ഇപ്പോള് ഫ്രാന്സിലാണെന്ന് പറയപ്പെടുന്നു.
ബംഗ്ലാദേശിലെ അറിയപ്പെടുന്ന എഴുത്തുകാരനാണ് സയ്യിദ് ഷംസുല് ഹഖ്. അദ്ദേഹം ഇതിനകം 50 നോവലുകള് എഴുതിയിട്ടുണ്ട്.
തസ്ലിമ: പച്ചയായി എഴുതുമ്പോള്...
|
|
|
|
|
