കാഠ്മണ്ഡു: സംഘര്ഷം തുടരുന്ന നേപ്പാളില് ജൂണ് 27 തിങ്കളാഴ്ച മാവോയിസ്റും സൈനികരുമായുണ്ടായ ഏറ്റുമുട്ടലില് 12 സുരക്ഷൈ സൈനികര് കൊല്ലപ്പെട്ടു. ഒരു സ്കൂളില് നിന്നും 90 വിദ്യാര്ഥികളടക്കം 340ഓളം പേരെ കലാപകാരികള് തട്ടിക്കൊണ്ടുപോയി.
കാഠ്മണ്ഡുവിന് 450 കിലോമീറ്റര് അകലെയുള്ള അര്ഗാകചി ജില്ലയിലെ കാന ഗ്രാമത്തില് സൈനിക സംഘത്തെ ആക്രമിച്ച മാവോയിസ്റുകല് ആറ് നേപ്പാളീസ് ആര്മി അംഗങ്ങളെയും ആറ് പൊലീസുകാരെയും വധിക്കുകയായിരുന്നു. ചില മാവോയിസ്റുകളും ഏറ്റുമുട്ടലില് കൊല്ലപ്പെട്ടെങ്കിലും ഇവരുടെ മൃതദേഹങ്ങള് കലാപകാരികള് കൊണ്ടുപോയി.
ഗുല്മി ജില്ലയിലെ ഒരു സ്കൂളില് നിന്നാണ് 90 വിദ്യാര്ഥികളെ മാവോയിസ്റുകള് തട്ടിക്കൊണ്ടുപോയത്. കാഞ്ചന്പൂര് ജില്ലിയിലെ ഒരു ഗ്രാമത്തിലെ 250 പേരെയും കലാപകാരികള് തട്ടിക്കൊണ്ടുപോയി. നാട്ടുകാരെയും നിരായുധരായ ആളുകളെയും ഉപദ്രവിക്കില്ലെന്ന് കഴിഞ്ഞയാഴ്ച മാവോയിസ്റുകള് പ്രസ്താവന പുറപ്പെടുവിച്ചതിനു ശേഷമാണ് ഈ സംഭവം.
